KORONADAL CITY – Nakapreparar ang 27 ka barangay sa syudad sang Koronadal sa pagpanagtag sang bulig sa tion nga magluntad ang kalamidad sa diin man nga bahin sang koronadal labi sa tion sang tig-ululan.
Ini ang ginpasiguro ni Kapitan Marvin “Yan-Yan” Gumabao, Liga ng mga Barangay Federation President sa Koronadal sa interview sang Bombo Radyo.
Suno sa iya, nakig hinun-anon na ini sa mga kapitan sa bug-os nga syudad sa pagpanagtag sang bulig nagikan sa mga barangay sa tion nga may ara gid man nga mga untoward incident sa tion sang tuman nga pag ulan dala man sang La Niña phenomenon nga na-eksperiensiyahan sang bilog nga Pilipinas.Ginpasiguro man sini nga maga dugang man sang mga kagamitan ang mga barangay agud nga madasig ang pag rescue sang mga ini sa tion sang kalamidad.
Sang ulihi, nagpanawagan man ini sa tanan nga maghalong labi pa nga masami nga naga ulan nga mahimo mangin tunaan sang pagbaha kag landslides.
