Panibag-o naman nga insidente sang pagpangawat sang motor sa zone 4 syudad sang Koronadal sa diin nadula ang isa naman ka motor sang isa ka pomoloyo.
Ini ang nangin pahayag ni Eleanor alabado Borje Kapitan sang Barangay Zone 4 syudad sang Korondal sa interview sang Bombo Radyo.
Suno kay Kap. Borje, ika duha na ini na tabo sa nasambit nga barangay sa diin pareho lang ang rason nga gin bilin ang susi sa motor kabangdanan nga gin kuha sang indi makila-an nga persona ukon kawatan.
Dugang pa sa iya, dapat imporatante gid halungan ang mga motor agud nga indi makuha sang mga kawatan kag sigurohon nga indi mag bilin sang susi kag imporante nga naka lock ang motor.
Gindugang pa ni Kap. Borje, bangud sa madamo nga tao ang naga sulod sa nasambit nga barangay indi nila mahibaluan kung sin-o ang mga kawatan nga naga kuha sang mga motor, gani sa subong padayon sila nga naga bulig sa mga otoridad sa pagkilala sang mga kawatan kung ini bala pomoloyo lang sang nasambit nga barangay.
Nagpanawagan si Kap, Borje nga agud nga indi makawat ang mga motor, kinahanglan nga halungan kag siguradohon man ang mga panimalay nga indi masudlan sa bisan sin-o nga mga kawatan.
