KORONADAL CITY – Ginpatawag kag ginsapol sang barangay Kapitan sang Barangay Morales, Koronadal City si Sangguniang Kabataan Chairperson Jewel Jan Surita kag ang SK council may kaangtanan sa controversial nga issue sang victory getaway sang mga ini.
Ini ang nangin pahayag ni Kapitan Dimson Floro sang Barangay Morales sa interview sang Bombo radyo Koronadal.
Suno pa sa Kapitan, mangin siya ang wala man makahibalo kag na-imbithan sang kontobersiyal nga victory getaway sa dagat sa Glan, Saranggani province.
Una na nga nadismaya kag nagpahayag sang iya hibubun-ot kag palamangkutanon sa Social Media ang isa ka elected number 1 Sangguniang Kabataan Kagawad matapos wala man lang ini ginpahibalo nga may Victory Gateaway ang ila konseho.
Sa Official Facebook Account ni Sangguniang Kabataan Kagawad John Leo O.Palabrica,nagpalamangkutanon ini kung ngaa wala man lang siya ginpabalo sang ila SK Chairperson may kaangtanan sa ila nga Victory Gateaway rason ngaa wala ini makaupod.
Natingala man ang kapitan kun ngaa wala siya nakabaton sang invitation letter sa nasambit nga aktibidad.
Sa karun wala pa sang may ginbuy-an nga Official Statement si Sangguniang Kabataan Chairperson Hon.Jewel Surita,may kaangtan sa hinambitan nga issue.
Abri naman ang waragwagan sang Bombo radyo Koronadal kay Sangguniang Kabataan Chairperson Hon.Jewel Surita agud nga sabton ang tanan nga palamangkutanon angot sa nasambit nga issue.’
Madumduman nga naglapta pa sa social media ang sulat sini kay Koronadal City Mayor Eliordo Ogena nga nagapangayo sang krudo para sa nasambit nga victory getaway.
