KORONADAL CITY – Natalana nga igapaidalom sa state of calamity ang banwa sang T’boli, South Cotabato bangud sa damyos nga tuga sang tubig baha kag landslide sa ila nga lugar.
Ini ang ginpahayag ni Mayor Dibu Tuan sa interbyu sang Bombo Radyo Koronadal.
Suno kay Tuan, kabahin sa tuman nga naapektuhan ang pananom sang mga mangunguma ukon ang sektor sang agrikultura kung sa diin sa inisyal nga pagtantiya sang Office of the Municipal Agriculture (OMAG) yara sa P1.5 milyon.
Sa subong nagapadayon ang clearing operations sang mga heavy equipment sa alagyan agud nga mabuligan nga makatabok kag makaagi sang maayo ang mga apektado nga residente.
Kadungan sini, naga-apela ang alkalde sa iya nga nasakupan nga mag preparar kong magbubo ang mabaskog nga ulan kag maki- koodinar sa LGU agod makabangon sa damyos nga kalamidad kag ang pandemiya nga tuga sang covid-19 virus.
