Ginpabutyag ni Lead Defense Counsel Atty. Sheila C. Sison nga may bug-os nga katungod ang katawhan nga magpangayo sang accountability sa ila mga lider sa pagbukas sang impeachment trial batok kay Vice President Sara Duterte subong nga Lunes, Hulyo 6.
Sa iya opening remarks, gin-ako ni Sison nga importante ang pagpanabat sang mga opisyal sang gobyerno sa publiko.
Apang ginpabutyag man niya nga ang prinsipyo sang accountability indi dapat limitado lamang sa Bise Presidente, sa baylo nga dapat mag-apply man sa tanan nga public servants, lakip na ang mga public prosecutors kag mga miyembro sang House of Representatives nga nagpatigayon sang impeachment proceedings.
Gindugang pa sang lead defense counsel nga ang impeachment trial dapat magbase sa kamatuoran, ebidensya kag proseso nga ginatugot sang Konstitusyon, kag indi sa opinyon ukon pampulitika nga konsiderasyon.
Ang opening statement ni Sison ang kabahin sang unang adlaw sang impeachment trial, diin ginpresentar sang depensa ang ila inisyal nga posisyon antes ang pormal nga presentasyon sang mga argumento kag ebidensya sang magkatuhay nga kampo.
