Ginhan-ay sang isa ka abogado kag negosyante ang mga ginapatigayon nga tikang sang gobyerno agud maproteheran ang mga kunsumidor, ilabi na ang transport group nga apektado sang krisis sa Middle East.
Sa interview sang Bombo Radyo Koronadal kay Atty. Rj Sustiguer, Executive Vice President sang South Cotabato Chamber of Commerce and Industry Foundation Inc., iya ginpahayag nga isa sa mayo nga tikang nga ginhimo sang gobyerno sa sin inga krisis amo ang pag-develop sang Malampaya Fund projects.
Apang, suno sa iya, apisar sini, dapat may yara sang maayo nga diplomasiya ang Pilipinas sa iban nga pungsod ilabi na sa tiion sang kalamidad ukon krisis.
Samtang, ginpahayag man niya nga ang pinakatuman nga apektado sa nagapadayon nga pagsaka sang presyo sang gatong amo ang mga kunsumidor, nga direkta nga naga-eksperyensya sang krisis.
Ilabi na gid ang mga yara sa sektor sang transportasyon, nga nagapangatubang sang mabug-at nga epekto sa operasyon sang ila panabuhian.
Bangud sini, nagpanawagan man si Sustiguer sa mga kunsumidor nga magtuon sa pagkinot kag temporary nga likawan ang pag online shopping sa tunga sang nagapadayon nga krisis sa gatong.
