Ginpaathag sang Koronadal City Traffic Management Division nga nagahatag sila sang traffic clearance ukon koordinasyon sa mga VIP convoy, parada, motorcade kag iban pa nga aktibidades nga mahimo makaapekto sa dalagan sang trapiko sa syudad.
Sa interview sang Bombo Radyo Koroadal kay Placer, iya ginpaklaro nga wala sang koordinasyon nga ginhimo ang police patrol car nga nakabunggo-patay sa 8-anyos nga bata nahanungod sa ginapahayag nga pagsugat sini sa isa ka VIP sa General Santos City sang tion sang aksidente.
Ginklaro pa sang opisayl nga kun may yara man sang amo nga aktibidades, kinahanglan ini nga ipaagi anay sa ila talatapan agud mahatagan sang nagakaigo nga traffic clearance.
Kaangot sini, ginpahanumdom niya ang mga motorista nga magsunod sa mga traffic signs, traffic lights kag iban pa nga pagsulundan sa dalanon agud malikawan ang aksidente kag posible nga multa ukon penalidad bangud sa paglapas sa layi sang trapiko.
