Wala sang shares ukon posisyon sa Gencorp Industries, Inc. si Vice President Sara Duterte, suno sa testimonya sang in-house counsel sang kumpanya sa ika-42 nga adlaw sang impeachment proceedings kahapon nga adlaw sang Miyerkules.
Sa iya pagpamatuod, ginpahayag ni Atty. Suzette Balucanag-Punay, nga ang ngalan ni Duterte wala makita sa General Information Sheets (GIS) sang Gencorp para sa mga tuig 2022 tubtob 2025.
Dugang pa, ang Bise Presidente wala nakabaton sang bisan ano nga mga dibidendo, bangud ang korporasyon wala nagpanagtag sang kita sa sulod sang tinalikdan nga mga tinuig.
Apang, ang Gencorp Industries ang nalista bilang isa ka business interest ni VP Duterte kag sang iya bana nga si Atty. Manases Carpio, sa ila 2024 kag 2025 Statements of Assets, Liabilities, and Net Worth (SALN). Sa ila 2022 kag 2023 SALNs, ang kompanya nalista sa idalom sang iya anay ngalan, Timesquare Bee Foods Corporation.
Ginpresentar sang grupo sang depensa ang testimonya ni Punay, upod ang mga rekord sang korporasyon sang kompanya, bilang kabahin sang ila ebidensya para sa impeachment proceedings.
