548 ka death row inmates sa California, gin-islan sang sentensya nga pagkabilanggo tubtob sa kamatayon

Gin-islan ni California Governor Gavin Newsom sang pagkabilanggo tubtob sa kamatayon nga wala sing posibilidad nga makagwa pa ang sentensya sang 548 ka priso nga anay ginsentensyahan sang kamatayon.

Ini nga tikang ginhimo halos walo ka tuig matapos ipatuman ang pagpahunong anay sa mga pagpatay sa idalom sang silot nga kamatayon sa California.

Suno kay Newsom, ang iya desisyon resulta sang halos tatlo ka dekada nga pagpamatok niya sa silot nga kamatayon nga ginapatuman sang estado.

Madumduman nga 13 ka priso ang ginpatay sa California halin sang ginbalik ang silot nga kamatayon didto sang 1978.