Ginhingyo sang Commission on Elections (Comelec) ang mga kwalipikado nga botante nga himuslan ang ginpalawig nga voter registration period kag indi na maghulat tubtob sa deadline agud magparehistro sa 2028 National and Local Elections.
Ang pagparehistro sang mga botante magasugod sa Nobyembre 10, 2026, kag magalawig tubtob Hunyo 30, 2027.
Suno kay Comelec Chairperson George Garcia, mas maayo nga magparehistro sang temprano agud malikawan ang pagdamo sang mga aplikante kag malaba nga pila bangud nagahilapit na ang deadline sang registration.
Gin-athag ni Garcia nga mas temprano pa nga ginbuksan ang registration period bangud sa pag-isol sang Barangay and Sangguniang Kabataan Elections (BSKE), nga una na nga gintalana sa Nobyembre 2, 2026.
Nadumduman nga ginsakdag ini sang Korte Suprema ang constitutionality sang laye nga nagapalawig sang termino sang mga barangay kag SK officials halin sa apat tubtub lima ka tuig. Gin-reschedule ang BSKE sa Nobyembre 2028.
Samtang ginalauman nga magalab-ot sa 74 milyones ang numero sang mga rehistrado nga botante nga ginalauman nga magapasakop sa 2028 elections.
Bangod sini, padayon nga gina-engganyo sang Comelec ang publiko nga himuslan ang registration period agud masiguro nga makaboto sila sa palaabuton nga national elections.
