Indi na kinahanglan magpa-extensions ukon magbutang sang false eyelashes ang isa ka babaye sa China matapos makilala bilang tag-iya sang pinakalaba nga pilok sa bug-os nga kalibutan!
Si You Jianxia ang nakakuha sang world record bangud sa iya pilok nga nagalab-ot sa 20.5 sentimetro ukon walo ka pulgada ang kalabaon.
Sang 2016, una nga natakos ang iya pilok sa 12.40 sentimetro, apang mas nagdugay pa ini sa pagtubo kag naglab-ot sa iya subong nga rekord.
Suno kay Jianxia, natalupangdan niya nga nagasugod ini sa paglaba halin pa sang 2015.
Nagpakonsulta man siya sa mga doktor agud mahibaluan kon may kaangtanan ini sa genetics, apang wala sang nakita nga klaro nga rason sa iya talagsahon nga pilok.
Sa sini nga rekord, daw indi na kinahanglan sang mascara ni Jianxia kay ang iya pilok mismo ang daw may kaugalingon nga extension!
