Nagalaum si Retired Judge Lorenzo Balo, Provincial Legal Adviser sang Sultan Kudarat, nga wala na sang dugang nga delay ukon postponement sa nagapadayon nga impeachment trial batok kay Vice President Sara Duterte.
Sa interview sang Bombo Radyo Koronadal, ginpahayag ni Balo nga kuntani madinalag-on kag madali na nga matapos ang impeachment trial agud mahibaluan na sang publiko kun ma-acquit ukon ma-convict ang bise presidente.
Suno sa retirado nga hukom, indi na interesado ang publiko sa padayon nga pagbalik-balik sang mga isyu kag delay sa impeachment proceedings.
Mas maayo man kuntani, suno pa sa retirado nga hukom, nga matapos na ini agud makatutok ang mga mamalidha sa mas importante nga mga isyu kag problema sang pungsod.
Samtang, ginpahayag ni Balo nga mas maayo kuntani kun ginpaathag sang kampo sang depensa ang ila mga rason sa pagpresentar sang mga testigo nga nakatalana mag-atubang sa impeachment court sa pagpadayon sang trial sa Lunes, Nobyembre 9.
Dugang pa niya, nagalaum siya nga madasig na lang nga matapos ang impeachment trial, bangud ang isa sa mga nagapabilin nga sentro sang kaso amo ang alegasyon sang unexplained wealth ukon indi mapaathag nga manggad ni Vice President Duterte.
