Narekober ang bangkay sang isa ka wala pa makilala nga lalaki sa masukal nga tubuhan sa Purok Paraiso, Barangay Klinan 6, Polomolok, South Cotabato, sang hapon sang Martes, Nobyembre 3, 2026.
Sa malapit nga bahin sang lugar, nasapwan man ang isa ka itom nga Honda Click motorcycle nga ginapatihan nga posible nga ginapanag-iyahan sang biktima.
Nagresponde ang mga otoridad sa lugar kag ginpatigayon ang pagproseso sang crime scene agud makakuha sang mga ebidensya nga makabulig sa pag-imbestigar sang insidente.
Sa subong, ginatutukan sang mga imbestigador ang pagkilala sa identidad sang lalaki kag ang pag-usisa sa mga sirkumstansya sang iya kamatayon.
Wala pa sang opisyal nga impormasyon nahanungod sa edad, identidad kag posible nga rason sang pagkapatay sang biktima samtang padayon ang imbestigasyon sang mga otoridad.
