Gin-insister ni House impeachment prosecution spokesman former Representative Ace Barbers nga mabudlay ipanginwala ang mga dokumento kag financial records nga ginpresentar sang prosecution batok kay Vice President Sara Duterte sa Senate impeachment court.
Suno kay Barbers, ang mga records halin sa Bureau of Internal Revenue (BIR)kag mga bangko ang opisyal nga dokumento nga dapat sabton sang bahin sang bise presidente.
Sandig sa report sang walo ka bangko sa Senado, nagdangat sa 59 million pesos ang year-end balances sang mga bank account nanday Vice President Duterte kag sang iya bana nga si Manases “Mans” Carpio sang 2022, kag 71 million pesos sang 2023.
Napagkit man suno pa ang 22 million pesos sang 2024 kag 39 million pesos sang 2025.
Samtang, nakapagkit man sa mga Statement of Assets, Liabilities and Net Worth (SALN) ni Duterte halin 2019 tubtob 2025 nga wala siya gindeklarar nga cash on hand ukon cash in bank.
Ginreport man sang Anti-Money Laundering Council (AMLC) ang indi maganubo sa 4.4 billion pesos ang covered kag suspicious transactions nga may kaangtanan sa bise presidente kag sa iya bana.
Apang, ginpahayag ni Barbers nga ginrespeto nila ang katungod sang depensa nga magpresentar sang mga testigo kag kontrahon ang mga ebidensiya.
