Nagdangat sa bag-o nga rekord nga P19.39 trilyon ang kabug-usan nga utang sang national government sa pagtakop sang Hulyo 2026.
Nagsaka ini sang P323.53 bilyon ukon 1.7 porsyento halin sa P19.065 trilyon nga napagkit sang katapusan sang Hunyo.
Tuga ini sang pagsaka sang dugang nga pagpangutang sang gobyerno sa sulod kag guwa sang pungsod, lakip man ang paghinay sang piso batok sa dolyar kag iban pa nga foreign currencies.
Yara sa P13.11 trilyon ang domestic debt, samtang P6.28 trilyon naman ang external debt.
Naghinay man ang piso sa P61.327 kada dolyar sang katapusan sang Hulyo, halin sa P61.290 sang katapusan sang Hunyo.
Ang napagkit nga utang sang Hulyo ang equivalent sang halos 98 porsyento sang P19.76-trilyon nga debt projection sang gobyerno para sa pagtakop sang 2026.
