“Indi pwede na tayo ang mag sho-shoulder ng (Electric)consumption nila doon”.
Ini ang nangin pahayag ni South Cotabato Governor Reynaldo S. Tamayo Jr. sa diin gin-alegar sini nga ang probinsiya sang South Cotabato ang naga bayad sang kuryente sang mga wala naga bayad sa bahin sang Lutayan, Sultan Kudarat. Suno sa Gobernador, ang wala ginabaydan nga nga mga kuryente sang nasambit nga banwa ang gina-charge bilang Systems Loss sa balayran sang mga taga-South Cotabato
Suno sa Gobernador, isa ini ka sahi sang management issue kag isa ini ka mabudlay nga butang para sa mga konsumedor diri sa South Cotabato kag indi pwede ini nga himoon bangud lugi ang mga konsumedor nga nagabayad sang husto sang kuryente. Gin himo pa sini nga halimbawa ang aircondition sang mga taga-lutayan mahimo nga bayran sang taga- koronadal nga wala man naga usar sang aircon.
Ginhangkat man sini nga SOCOTECO I nga kun may wala gid man naga bayad sang kuryente utdon nalang ang linya sini ukon e-cut nalang ang kabug-usan kag indi pag e-paabaga sa mga member- consumer sa South Cotabato nga basta lang e-charge sa systems loss.
