Masobra 15 indibidwal ang napatay sa pinakabag-o nga Russian missile kag drone strikes sa Kyiv, Ukraine.
Suno kay Mayor Vitali Klitschko, gin-atake ang mga apartment building kag warehouses, samtang na-damage man ang isa ka children’s hospital kag buluthuan.
Nagpahayag si Ukrainian President Volodymyr Zelensky nga ang kakulanganan sang air defense missiles nagdugang sa risgo sa kabuhi sang mga sibilyan.
Nagpanawagan siya sa Western allies nga dugangan ang suplay sang Patriot interceptor missiles.
Suno sa Ukrainian Air Force, 168 ka drones kag 44 ka missiles ang ginlunsyar sang Russia, samtang napatibusok ang 146 ka drones kag 39 ka cruise missiles.
Ang mga pag-atake nagresulta man sa pagkadula sang kuryente sa linibo ka kabalayan sa Kyiv.
Samtang, nagpadayon ang pag-atake sang Ukraine sa sulod sang Russia, nga nagresulta man sa pagkapatay sang madamo nga indibdiwal.
Antes sini, wala pa sang dako nga progreso sa mga paninguha nga makab-ot ang ceasefire sa tunga sang duha ka pungsod.
