Ginapahayag sang Department of Budget and Management (DBM) nga manageable gihapon ang utang sang Pilipinas sa idalom sang hagna nga P7.2 trilyon nga national budget para sa 2027.
Suno kay Acting Budget Secretary Kim De Leon, may yara sang igo nga pondo sa budget para sa pagbayad sang utang kag interes sini.
Ginapaabot nga madugangan sang P1.7 trilyon ang utang sang Pilipinas sa masunod nga tuig bangud sa budget deficit.
Halin sa P19.07 trilyon sang Hunyo, ginapaabot nga magsaka ang kabug-usan nga utang sa P19.75 trilyon sa katapusan sang 2026.
Mahimo pa ini magsaka sa P21.48 trilyon sa katapusan sang 2027.
Suno sa DBM, ang proposed 2027 budget nagapakita sang mas disiplinado nga paggasto samtang ginahatagan sang prayoridad ang long-term development kag importante nga serbisyo publiko.
Lakip sa budget ang pagsaka sang Capital Outlays sang 13.8 porsyento sa P1.16 trilyon, samtang nagnubo naman sang 1.2 porsyento ang Maintenance and Other Operating Expenses.
Samtang, ginpahayag ni Finance Secretary Frederick Go nga napanubli sang Marcos administration sang 2022 ang P12.79 trilyon nga utang, nga dako nga bahin sini ang naghalin sa pandemic spending.
