Nagapabilin sa temporary shelters ang ginabulubanta 5,000 ka residente sa Flores, Indonesia, matapos maguba ang ila mga balay bangud sa mabaskog nga linog.
Sobra 1,300 ka balay sa East Nusa Tenggara ang na-damage, lakip ang halos 250 nga balay sa isla sang Flores nga totally destroyed.
Nagrekord man ang mga otoridad sang indi magnubo sa 54 ka patay kag 135 ka pilason bangud sa kalamidad.
Samtang, yara sa 995 na ang aftershocks nga na-monitor matapos amh una nga linog, apang 46 lamang sa sini ang nabatyagan sang mga residente.
Bangud sa peligro sang dugang nga paglinog, madamo nga pamilya ang nagapabilin sa gwa sang ila mga balay kag nagakatulog sa idalom sang mga tolda.
Nagpadala na ang gobyerno sang sobra 3,500 ka military kag police personnel sa mga apektado nga lugar para sa rescue kag relief operations.
Samtang, nakaabot na ang 275 ka tonelada nga bulig, apang nagapabilin ang problema sa pagbitbit sini sa mga komunidad nga nautod ang access
Nagapanawagan ang mga survivor sang dugang nga pagkaon, bulong, limpyo nga tubig kag public kitchens para sa ila adlaw-adlaw nga kinahanglanon.
Nagdeklara man ang gobernador sang East Nusa Tenggara sang 14-adlaw nga state of emergency bangud sa malapad nga halit nga gintuga sang linog.
