Ginapaabot na sang prosecution panel nga magapamatok ang depensa sa mga dokumento nga ila ipresentar bilang ebidensya sa impeachment trial.
Suno kay Atty. Benjamin Tolosa, tagapamaba sang prosekusyon, preparado sila nga sabton ang bisan ano nga pagdumili sang depensa paagi sa balido kag legal nga mga rason suno sa proseso sang impeachment.
Agud malikawan ang pagpalawig sang kaso, una na nila ginpangayo kag ginpa-subpoena ang mga dokumento bisan wala pa nagumpisa ang pagpresentar sang ebidensya para sa artikulo sang impeachment may kaangtanan sa ginapahayag nga unexplained wealth.
Ginpasiguro ni Tolosa nga preparado ang prosekusyon sa pagpresentar sang ila mga ebidensya kag ipahangop ang importansya sang mga dokumento indi lang sa impeachment court sa baylo lakip sa publiko.
Gin-ako man niya nga may katungdanan ang depensa nga magpamatok liwat kun pormal na nga ipresentar bilang ebidensya ang amo nga mga dokumento.
