Naghimo si Vice President Sara Duterte sang isa ka hypothetical nga sitwasyon sa iya mensahe sa “Free Duterte Now” rally sa gwa sang International Criminal Court (ICC) sang Miyerkules, Hulyo 29, agud ipabutyag ang iya ginatawag nga seryoso nga problema sang gun violence sa Pilipinas.
Sa iya pahayag, ginhalimbawa sang Bise Presidente nga kun may kabit ang iya bana nga si Atty. Manases “Mans” Carpio, mahimo suno pa siya magkuha sang gun-for-hire sa kantidad nga ₱5,000 agod ipapatay ang amo nga babayi.
Suno kay VP Sara, ang halimbawa wala ginpahayag bilang aktuwal nga plano kundi bilang paglaragway sa iya pagtuo nga madali lamang makakuha sang gunman sa Pilipinas.
Gin-angot man niya ini sa isyu sang extrajudicial killings (EJK) kag sa nagapadayon nga kabalaka sa gun violence sa pungsod.
Sa iya talumpati, ginpabutyag niya nga ang amo nga sitwasyon nagalaragway sang kalain sang problema sa seguridad sa Pilipinas.
Sa tion sang pagpagwa sang sini nga balita, padayon pa nga ginakuha ang dugang nga pahayag kag klaripikasyon halin sa kampo ni Vice President Sara Duterte.
