Plano sang Bureau of Immigration (BI) nga dugangan ang electronic immigration gates o e-gates para sa mga pasahero nga naga-abot kag nagahalin sa mga paliparan sa Pilipinas.
Paagi sa automated screening, indi na kinahanglan nga magpa-face-to-face interview ang mga pasahero nga kwalipikado sa paggamit sang sistema, agud mapadasig ang immigration processing kag malikawan ang malawig nga pila.
Apang suno sa BI, ang mga pasahero nga ma-flag sang sistema pagasaylo gihapon sa immigration officers para sa dugang nga beripikasyon kag pagsusi bilang kabahin sang security measures.
Ginpabug-atan man ni Transportation Secretary Vince Dizon nga kinahanglan magsunod ang Pilipinas sa international standards agud mangin mas hapsay kag episyente ang pagproseso sang mga biyahero.
Sa karon, natapos na ang pila ka e-gates expansion projects sa Clark, Cebu kag Davao. Samtang, ginapreparar na ang pagkuha sang dugang nga kagamitan para sa second phase sang implementasyon sa mga provincial international airports.
Ginalauman nga paagi sa sini nga inisyatiba, mapadasig ang pagproseso sang mga pasahero, mapanubo ang airport queues kag mapalig-on ang seguridad sa mga paliparan.
