Naglala pa ang tensyon sa rehiyon sang Middle East matapos ang mga pag-atake sang Estados Unidos kag Saudi Arabia nga nakapatay sang indi magnubo sa 20 ka Iraqi fighters kag pagkapilas sang 32 pa ka iban sa nagkalain-lain nga probinsya sang Iraq.
Ini ang una nga dako nga pag-escalate sa sulod sang pila ka adlaw samtang nagapadayon ang paglapad sang rehiyonal nga kinagamo.
Samtang, ginpahayag sang Iran nga nagpalupad ini sang mga missile padulong sa isa ka base militar sang Estados Unidos sa Jordan.
Sa bahin sang tensyon sa Strait of Hormuz, ginbalibaran sang Tehran ang suhestyon sang Oman nga magbahin sang mga ruta sa pagbiyahe sa importante nga agianan sang petrolyo.
Ginpangayo sang Iran ang bug-os nga kontrol sa inbound corridor kag bahin nga kontrol sa outbound route.
Samtang, nagpulong naman sanday US President Donald Trump kag Israeli Prime Minister Benjamin Netanyahu, nga ginlaragway sang White House nga “positive and productive” ang ila pag-istoryahanay.
Gintalakay sa amo nga miting ang nagkalain-lain nga isyu may kaangtanan sa seguridad kag ang nagapadayon nga krisis sa rehiyon.
