Napasulod sa isa pa ka challenge sang Miss Supranational pageant si Miss Supranational Philippines Katrina Llegado matapos siya magin kabahin sang Top 20 sang Miss Supra Influencer Challenge, pila na lang ka adlaw antes ang coronation night sang kompetisyon.
Suno sa Instagram post sang The Miss Philippines organization, upod si Katrina sa mga finalist kaupod ang mga representante halin sa nagkalain-lain nga pungsod kasubong sang Indonesia, Nigeria, Guatemala, India, Puerto Rico, France, Zimbabwe, Venezuela, Cambodia, British Virgin Islands, Czech Republic, Paraguay, South Africa, United Arab Emirates, Vietnam, Brazil, Ecuador, Thailand, kag Zambia.
Ginpahanumdom man sang organisasyon ang mga fans nga nagapadayon pa ang Supra Fan Vote kag naghatag sang mga instruksyon kon paano makaboto para suportahan ang ila mga pinalangga nga kandidata.
Padayon ang pagpakita sang suporta sang mga Pilipino kay Katrina samtang ginarepresentar niya ang Pilipinas sa prestihiyoso nga Miss Supranational pageant.
