Ginmando ni Department of National Defense (DND) Secretary Gilberto C. Teodoro Jr. ang pagpalapad sang Direct Commission Program agod makadani sang mas madamo nga kwalipikado nga Filipino professionals sa Armed Forces of the Philippines (AFP).
Sa iya direktiba, ginapabaskog ang recruitment kag commissioning sang mga kwalipikado nga Advance ROTC graduates, enlisted personnel, kag mga propesyonal nga eksperto sa cyber operations, artificial intelligence, engineering, aviation, communications, kag research and development.
Ginmado man ni Teodoro ang AFP nga magpatuman sang merit-based system sa commissioning kag maghatag sang reasonable accommodations sa mga persons with disabilities nga may espesyal nga kahibalo nga makabulig sa defense sector.
Suno sa kalihim, ang pinalapad nga Direct Commission Program kabahin sang modernisasyon sang AFP sa idalom sang Comprehensive Archipelagic Defense Concept kag magapalig-on sa manpower kag kapabilidad sang militar sa pagdepensa sang pungsod batok sa nagkalainlain nga mga hulga.
