Magabalik sa ring ang undefeated Pilipino boxer nga si Weljon Mindoro sa Agosto 29, 2026, kun sa diin atubangon niya ang beterano nga Mexican boxer nga si Carlos Ocampo sa Los Angeles, California.
Yara sa malimpyo nga rekord si Mindoro nga may 17 ka kadalag-an, isa ka draw, kag 0 loss, lakip na ang 16 ka kadalag-an pinaagi sa knockout (KO).
Sa masunod nga non-title bout, target ni Mindoro nga mapabaskog pa ang iya posisyon sa middleweight division, sa sambuwan nga ipalabas man nga live sa mainstream television.
Madumduman nga sang Hunyo, napierde ni Mindoro pinaagi sa unanimous decision ang Mexican boxer nga si Elias Espadas, nga nagtapos sa iya serye sang 16 ka asod-asod nga knockout victories.
Samtang, si Carlos Ocampo may rekord nga 38 ka kadalag-an kag apat ka kapierdehan, diin 26 sa iya mga kadalag-an ang pinaagi sa knockout.
Sa karon, ginauyatan ni Mindoro ang IBA Asian Middleweight title, nga iya nakuha sang 2024 matapos mapierde pinaagi sa knockout ang Australian boxer nga si Joel Camilleri sa Dubai.
