Preparado na si Carlos Yulo sa 2026 FIG World Artistic Gymnastics Championships nga pagahiwaton sa Rotterdam, Netherlands.
Magaupod sa iya ang iya utod nga si Karl Eldrew Yulo sa sini nga torneo nga magsugod sa Oktubre 17 tubtob 25.
Magakompetensya ang duha sa men’s individual all-around, samtang ang ila kapareho nga mga Pilipino nga sanday Juancho Miguel Besana kag Haylee Garcia may tagsa-tagsa man nga mga event nga salihan.
Ginapaabot nga makakuha liwat sang mga medalya si Yulo matapos nga nagdaog siya sang duha ka bulawan nga medalya sa floor exercise kag vault sa katapusan nga Asian Games sa Aichi-Nagoya, Japan.
Nagapadayon ang Philippine team sang ila training sa Antibes, France bilang preparasyon sa sini nga torneyo.
Suno kay Carlos, kabahin sang iya preparasyon para sa World Championships ang Asian Games.
Nalipay man siya bangud halos kompleto na ang ila mga training camp.
Samtang, kumpiyansa si Karl Eldrew Yulo nga makasaka sa podium matapos nga nagdaog siya sang bronze medal sa Asian Games.
