Indi magnubo sa 12 ka tawo ang napatay sa malapnagon nga wildfire sa mga lugar sa Los Gallardos, Almerรญa sa southern Spain, suno sa mga lokal nga opisyal.
Samtang, nagapakota ang inisyal nga report nga apat sa mga biktima posible nga mga British nationals.
Nasapwan ang mga bangkay sang mga biktima malapit sa banwa sang Bรฉdar.
Samtang sini, 23 pa ka tawo ang ginapangita, kag ginatos ka residente ang ginpabakwit agud malikawan ang dugang nga peligro.
Padayon ang pagpaninguha sang ginatos ka emergency responders sa pagpatay sang kalayo.
Suno sa mga awtoridad, amo ini ang isa sa pinakamalala nga wildfire nga ila naatubang sa amo nga lugar.
Ginpahayag sang alkalde sang Antas nga yara na sa kontrol ang sunog, apang nagpaandam siya nga mahimo ini liwat maglapta kun magkusog ang hangin.
Samtang, nagapakigkoordinar ang United Kingdom Foreign Office sa mga awtoridad sa Espanya bangud sang mga ulat nga may mga British nationals nga nalakip sa mga biktima.
