Ginalauman ni Senate President Sherwin Gatchalian nga magatambong ang tanan nga senador, lakip na ang mga miyembro sang minorya, sa pagsugod sang impeachment trial ni Vice President Sara Duterte sa Lunes, bilang kabahin sang ila katungdanan bilang senator-judges.
Suno kay Gatchalian, importante nga personal nga mabatian sang mga senador ang mga ebidensya kag argumento sang duha ka kampo, kag may katungod man sila magpamangkot sa mga testigo kag legal teams samtang nagapadayon ang pagdungog.
Gin-giit niya nga indi dapat himuon nga forum ang impeachment court para sa iban pa nga isyu, lakip ang legal nga isyu sa iya pagkahalal bilang Senate President, nga dapat talakayon sa plenaryo.
Kaupod sini, ginpabutyag niya nga positibo nga senyales ang pagtambong nina Senators Loren Legarda kag Robin Padilla sa recent caucus, nga nagapakita sang kahanda nga ituon ang atensyon sa impeachment trial.
Gindugang man niya ang importansya sang quorum agud magapadayon ang hearing bisan pa indi makatambong ang tanan nga 24 ka senador kada adlaw.
