Nagahingyo sang paglaum ang mga residente sa Bunia, Ituri province sa Congo samtang gin-umpisahan sang mga manug-usisa sang early July ang clinical trial sang duha ka experimental nga treatment kontra Ebola.
Padayon ang pag-abot sang mga pasyente sa Bunia’s Evangelical Medical Center, samtang ginapatuman ang pagtuon nga nagatutok sa epekto sang remdesivir, MBP134, ukon kombinasyon sini para sa Bundibugyo Ebola strain, nga wala pa sang siguro nga bakuna ukon espesipiko nga bulong.
Suno sa World Health Organization (WHO), kapin 1,400 ka kaso kag 438 ka kamatayon na ang narekord sa outbreak kun sa diin ini ang una nga participant sa study gin-enroll na sang early July.
Para sa iban nga residente, ang trial isa ka “light at the end of the tunnel,” samtang suno sa isa ka survivor, nagpahayag sang suporta kag preparado nga mag-volunteer sa masunod nga phase.
Apang may kabalaka man ang iban ka residente nga nagaduda sa safety sang experimental treatments, samtang nagapadayon ang mga problema sa overcrowding, delay sa treatment, kag insecurity sa mga apektado nga lugar.
