Nagpanindugan ang Office of the Ombudsman nga nakabase sa igo nga ebidensya ang plunder case nga ginpasaka batok kay Senador Rodante Marcoleta.
Ginpabug-atan sang Ombudsman nga mismo si Marcoleta ang nag-ako nga nakabaton sang cash donations nga nagabalor sang ₱75 milyon.
Suno sa Ombudsman, wala man ini naideklarar sa iya Statement of Assets, Liabilities and Net Worth (SALN) kag Statement of Contributions and Expenditures (SOCE).
Ginbalikan man sang Ombudsman ang pahayag sang senador bahin sa “utang na loob” kag ginpahayag nga indi ini dapat mangin mas mabug-at pa sa katungdanan sang isa ka opisyal sang gobyerno.
Suno sa talatapan, indi dapat may personal nga utang nga kabalaslan ang isa ka public servant sa bisan kay sin-o nga donor nga mas ginapabug-atan pa kumpara sa obligasyon niya sa katawhan.
Dugang pa sang Tanodbayan, kun usaron ang “utang na loob” agud tabunan ang wala nadeklarar nga ₱75 milyon, indi na ini mahimo nga kabalaslan sa baylo isa na ka krimen nga ginadepensahan sang mga layi batok sa plunder kag bribery.
Bisan ginkilala sang Ombudsman nga nagresulta ang kaso sa mabaskog nga pampubliko nga diskusyon, ginhangyo sini ang tanan nga tugutan ang layi kag ebidensya nga mangin basehan sang paghukom.
Nagpadayon ang Ombudsman sa pagsaka sang kaso sang Hulyo 3 bisan pa sa nauna nga rally nga ginpatigayon sang Iglesia ni Cristo kag iban pa nga mga supporter ni Marcoleta.
