Ginpasakaan na sang kaso nga plunder sang Ombudsman batok kay Senador Rodante Marcoleta may kaangtanan sa gin-alegar wala gindeklarar nga P75 million nga donasyon sa kampanya nga iya nabaton sang 2025.
Ginpasaka ang reklamo sa Sandiganbayan kag ginalakipan man sang kaso ang mga donors nga si anay kongresista nga si Mike Defensor kag mga negosyante nga sanday Aristotle Viray kag Joseph Espiritu.
Suno sa mga piskal, wala nagdeklarar si Marcoleta sang amo nga kantidad sa iya SALN kag SOCE, nga nagsobra sa P50 milyones nga threshold sang plunder sa idalom sang Republic Act 7080.
Sa iya counter-affidavit, gin-ako ni Marcoleta nga nakabaton siya sang donasyon apang ginpanindugan sini nga gikan ini sa pribado nga mga abyan kag nagamit na sa kampanya antes pa man ginsumiter ang iya SALN.
Samtang, nagpatigayon sang tatlo ka adlaw nga rally ang mga katapo sang Iglesia ni Cristo bilang suporta sa senador, sa diin naghambal man si Senador Imee Marcos kag anay congressman Mike Defensor. Pending pa ang hearing sa Sandiganbayan kag handa ang CIDG nga ipatuman ang arrest warrant kun i-issue sang korte.
