Ginkasal na ang KPop Demon Hunters voice actress nga si Arden Cho sa orthopedic surgeon nga si Christopher Lee sa isa ka seremonya nga ginpatigayon sa Florence, Italy.
Base sa report, ginpili sang mag-asawa ang Florence bilang venue bangud espesyal ini sa ila relasyon.
Suno kay Cho, handum nila nga ang kasal mangin kasubong sang isa ka relax nga bakasyon diin mahimo maghinay-hinay, magsinadya kag maghimo sang madinalag-on nga handumanan upod ang ila pamilya kag mga abyan.
Isa sa mga highlights sang kasal amo ang hanbok celebration, diin nagsuksok sang tradisyonal nga Korean attire ang ila pamilya kag mga bisita.
Suno kay Cho, nalipay siya nga makita ang ila kultura nga ginasaulog sa Italy kag ginbaton ini sang ila mga bisita nga may kalipay.
Madumduman nga nagkilalahay sanday Arden kag Christopher pinaagi sa isa ka dating app, antes nagpanugyan si Christopher sang kasal sang Marso 2025.
