Ginakabig nga “eye opener” sang opisyal sang Regional Sports ng Department of Education (DepEd) Region 12 ang pahayag sang isa ka coach sa Palarong Pambansa 2026 may kaangtanan sa isyu sang billeting area para sa rehiyon.
Sa exclusive interview sang Bombo Radyo Koronadal kay Regional Sports Officer Magdaleno Duhilag Jr. sang DepEd XII, iya ginpahayag nga bukas kag ginkalipay sang ila talatapan ang pahayag ni Coach Henry Dagmil may kaangtanan sa indi pagpa-istar sa mga coach kag trainers sa billeting area sang rehiyon.
Suno kay Duhilag, ang nasambit nga pahayag nagapakita nga may yara sang dako nga panginahanglan nga hatagan sang dugang nga pagtagad ang mga coach kag trainers, bangud sa ila importante nga papel sa pagpalambo sang talento sang mga atleta.
Iya ginpabutyag nga ini mahimo mangin basehan agud mas mapabaskog pa ang sistema kag mahatagan sang mas maayo nga kondisyon ang mga kabahin sang sports delegation sang rehiyon.
Samtang, ginawhag ni Duhilag ang mga coaches, mga opisyal sang rehiyon, kag mga division offices nga magbuliganay sa pagtuon kag paghisgot sang mga kinahanglan nga improvements, agud mas mapaayo pa ang preparasyon sang Region 12 para sa madason nga mga kompetisyon.
