Ginpamatud-an sa liwat ni Scottie Thompson kun ngaa siya ang ginasaligan sang Barangay Ginebra sa mga krusyal nga tion matapos sini ginpangunahan ang Gin Kings sa 103-98 nga pagdaug batok sa Rain or Shine Elasto Painter.
Naghatag sa ila team ang kadalag-an ni Thompson sang 2-1 nga advantage sa ila best-of-seven semifinal series sa PBA Commissioner’s Cup.
Ginpangunahan nanday Thompson kag import Justin Brownlee ang mabaskog nga atake sang koponan kun sa diin nagpagkit si Thompson sang 25 puntos kag lakip ang lima ka tres, pito ka rebounds, duha ka assists, kag tatlo ka steals.
Samtang, nagamot man si Brownlee sang halos triple-double nga may 24 puntos, walo ka rebounds, kag siyam ka assists.
Magluwas sa duha, dako man ang naamot ni RJ Abarrientos nga nagpagkit sang 17 puntos kag lima ka assists sa pihak sang paghampang nga wala sang protective mask matapos makaagom sang pilas sa ilong sang nagligad nga hampang.
