Engaged na ang aktres nga si Cristine Reyes kag Gio Tingson matapos ipakigbahin sang aktres ang iya engagement ring sa social media
Nag-post si Reyes sang serye sang laragway sa iya social media account samtang nagabakasyon sila ni Gio sa Hong Kong.
Bangud sini, madamo man nga celebrity friends sang duha ang nagpadala sang pagtamyaw sa comment section sang post.
Madumduman nga sang isa ka event sa isa ka hotel sang Oktubre 15, 2025, ginpahayag ni Reyes nga malipayon siya sa estado sang iya love life kag gintawag pa niya si Tingson bilang “the right person.”
Suno kay Cristine, nag-umpisa nga makit-an nga naga-updanay ang duha sang Hulyo 2025.
Samtang, sang Pebrero 1, 2024, gin-ako man ni Reyes nga na-annul na ang iya kasal sa anay bana nga si Ali Khatibi.
Sa karon, wala pa sang ginhatag nga detalye ang aktres may kaangtanan sa ila kasal ni Tingson.
