Nagpanawagan ang labor group nga Partido Manggagawa sa administrasyon ni Marcos nga i-certify na bilang “urgent” ang hagna nga dugangan sang P200 ang adlaw-adlaw nga sweldo sang mga Pilipino nga mangunguma kag mamumugon.
Suno kay anay Rep. Rene Magtubo, chairman sang grupo, damo na sang mamalidha ang nagasuporta sa hagna, ilabi na sa Kamara, apang nagakapundo gihapon ini sa Senado.
Pahayag niya, sa 19th Congress, nakakuha na ini sang dako nga suporta sa Kamara apang wala nakauswag sa Senado bangud sang pag-ipit sang nagligad nga liderato sini.
Suno sa iya, kun i-certify lang sang Presidente bilang urgent kag kabigon nga ayuda angot sa mga mamumugon, dako ini nga bulig sa mga Pilipino nga naga-antos sa manubo nga suweldo.
Gindugang oa niya nga ang dugay na nga panawagan sang labor groups nga tapuson ang provincial rate ukon ang indi patas nga sistema sang pasahod sa mga rehiyon, bangud kasubong lang ang epekto sang taas nga presyo sang baraklon apang magkalain ang suweldo sa Metro Manila kag iban nga probinsya
