Pormal na nga ginpasakop sang Pilipinas sa Singapore ang pagpangulo sang Association of Southeast Asian Nations (ASEAN) para sa 2027, sa pagtapos sang 2026 ASEAN Summit and Related Summits.
Sa iya pamulong-pulong, ginpasalamatan ni Singapore Prime Minister Lawrence Wong ang Pilipinas sa pagpangulo sini sa ASEAN subong nga tuig sa idalom ni Presidente Ferdinand Marcos Jr.
Suno kay Wong, bisan pa sa nagkalain-lain nga mga pagsulay nga ginaatubang sang rehiyon kag sang kalibutan, nagpabilin nga nahiusa ang ASEAN kag nagapadayon sa pag-uswag.
Ginpabutyag man niya nga tutukan sang Singapore sa ila pagpangulo ang mas madalom nga integrasyon kag mas masangkad nga pagpakig-angot sa iban nga mga pungsod agud mapalig-on ang kooperasyon, kalinong kag mga oportunidad sa rehiyon.













