Nagpahayag sang kabalaka ang Poland matapos akusaran ang Russia nga naglapas sa ila airspace, kasunod sang insidente nga may kaangtanan sa pag-igo sang isa ka Russian cruise missile.
Suno sa mga report, ang insidente natabo sa rehiyon nga ginahiwatan sang Western military exercises.
Bisan wala sang nareport nga napilasan ukon napatay sa amo nga hitabo, ginlaragway ni Polish Prime Minister Donald Tusk nga isa ini ka posible nga pagpanghangkat ukon “provocation” halin sa Russia.
Bangud sini, nagpangayo sang suporta ang Poland sa iban nga miembro sang North Atlantic Treaty Organization (NATO) agud atubangon ang sitwasyon kag mapalig-on ang seguridad sang ila airspace.
Nagapabilin naman nga sensitibo ang kahimtangan sang seguridad sa rehiyon bangud sa nagapadayon nga tensiyon sa tunga sang Russia kag mga pungsod sa Western alliance.













