Magapatigayon ang gobyerno sang Pilipinas sang diplomatiko nga negosasyon sa Iran agud masiguro ang luwas nga paghulad sang mga fuel shipments padul-ong sa Maynila, matapos sirad-an sang Iran ang Strait of Hormuz nga isa sa mga pinaka-importante nga dalan sang petrolyo sa kalibutan, bangud sa tensyon sa Middle East.
Suno kay Palace Press Officer Atty. Claire Castro, gin-manduan ni Presidente Ferdinand Marcos Jr. ang Department of Foreign Affairs (DFA) nga mangin nagapanguna sa isyu, samtang padayon ang mga atake sa tunga sang US kag Iran.
Ginahingyo sang gobyerno ang seguridad sang enerhiya sa tunga sang krisis sa rehiyon, nga nagdala sang pagsaka sang presyo sang petrolyo.//Nagapaninguha ang gobyerno sa pag-diversify sang fuel sources kag paghatag sang mga subsidies para sa mga sektor nga apektado ilabi na ang sektor sang transportasyon.
Madumduman nga nakabaton na sang 700,000 barrels nga Russian crude oil ang Pilipinas sang nagligad nga semana, kag ginalauman pa ang dugang nga 2.48 milyones nga barrels sa masunod nga bulan halin sa iban nga pungsod.
