Wala sang limitasyon ang edukasyon sa mga indibidwal nga may determinasyon malab-ot ang ila mga handum.
Ini ang nangin pahayag ni Lowell D. Pasinag LPT, MMEM- Principal, Basic Education, Holy Child Central Colleges Inc. Senior High School, sa interview sang Bombo Radyo Koronadal.
Suno kay Pasinag, tumong sang ila buluthuan nga buligan ang kada indbidwal nga malab-ot ang ila handum nga makatapos sa pageskwela apisar ano nga edad.
Ginpahayag man niya nga luyag sang buluthuan nga mangin instrumento para sa mga inidbidwal nga luyag nga mangin insipirasyon sa ila komunidad pinaagi sa edukasyon.
Nagapati man si Pasinag nga bilang isa ka principal kag mununudlo, dako nga factor sa isa ka pamilya nga may isa ka myembro nga nakatapos bangud ini mangin simbolo sang determinasyon kag pagpaninguha kag ini mangin modelo kag inspirasyon sang madason nga henerasyon.
