Nag-awhag si Pope Leo XIV sa mga Kristiyanong lider nga may dako nga responsibilidad sa mga giyera sa Middle East, lakip na ang mga lider sang Israel, Estados Unidos, kag Iran, nga magpaidalom sa pag-kumpisal kag maghinulsol.
Sa iya mensahe nga ginpagwa sa Vatican, ginpahayag sang Santo Papa nga importante para sa mga lider nga nagasulod sa mga kinagamo nga magpangabuhi sang seryoso nga pagpamalandong kag magpakita sang kaisog agud mabalik ang kahilwayan kag kalinong sa rehiyon.
Bilang pinaka-una nga US-born nga Santo Papa, wala nag-untat si Pope Leo XIV sa pag-apelar sa mga lider sang Israel kag Iran nga untaton na ang kinagamo nga nagalapnag sa bug-os nga Middle East.
Sa katapusan, ginpalab-ot ni Pope Leo XIV ang iya panawagan nga maghimo sang mga tikang para sa katawhayan, indi lang sa mga isyu pampulitika, kundi lakip na sa pagpakita sang malasakit sa atubangan sang Mahal nga Makaako.
