Pormal na gin-appoint ni President Ferdinand Marcos Jr. si anay Tourism Secretary Christina Garcia Frasco bilang Presidential Adviser for Sustainable and Resilient Communities, matapos siya magbitiw sa Department of Tourism.
Ginmanduan siya nga magpanguna sang implementasyon sang mga national nga programa sa komunidad, labi na sa mga lugar nga masami gina-igo sang kalamidad kag climate-related risks.
Magaserbe naman nga officer-in-charge sang ahensya si DOT Undersecretary Verna Buensuceso.
Ang appointment nag-abot sa tunga sang kontrobersya pbahin sa alegasyon nga “self-promotion” ni Frasco, apang padayon nga mataas ang pagsalig sang Presidente sa iya abilidad.
Ini nga tikang ang kabahin sang mas lapad nga inisyatibo sang administrasyon batok sa epekto sang climate change kag extreme weather events, kag ginahandom nga mangin sentro si Frasco sa pagpabakod sang mga komunidad kag kabuhi sang mga Pilipino.
