Nadiskubrehan sang Sandiganbayan nga wala sang operational CCTV cameras nga nakatutok padulong sa selda ni anay House Speaker Martin Romualdez sa New Quezon City Jail sa Payatas.
Sa inspeksyon sang Sandiganbayan Third Division, naguwa nga 220 lang sa 450 ka CCTV cameras sa bug-os nga pasilidad ang functional. Sa lugar nga ginatiniran sang mga kilala nga mga priso, 28 lamang sa 152 ka mga kamera ang naga-operate.
Bangud sini, indi ma-verify sang korte ang assertion ni Quezon City Jail Warden Supt. Maria Lourdes Pacion nga indi makaguwa sa iya selda si Romualdez kun wala sang pahanugot. Apang, ginklaro sang korte nga indi ini pamatuod nga patago sia nga nagaguwa sa prisuhan.
Naobserbahan man sa CCTV footage sang Oktubre 19 kag 26, kag Nobyembre 2, nga may kaupod si Romualdez sang isa ka sibilyan—kabaliktaran sa ginpahayag nga polisiya nga wala sang ginapahanugutan nga bisita sa adlaw sang Lunes.
Dugang pa, natukiban nga ang sistema sang CCTV may limitado nga kapasidad sa pagtipig, nga nagresulta sa temprano nga pagkapanas ukon pag-overwrite sang mga rekording sang video
