Target sang head coach sang Gilas Pilipinas, si Tim Cone, nga may mas madamo nga adlaw para sa preparasyon sa second window sang FIBA World Cup Asian Qualifiers.
Suno kay Cone, maga-umpisa ang ila training camp sa Pebrero 16 sa diin gingugang pa niya, ang orihinal nga plano amo nga mag-umpisa ini sa Pebrero 11, apang nagka-problema pa ang pila ka schedules sang mga manughampang.
Pila sa mga ginahulat niya nga manughampang nga magahalin pa sa liga sa Japan amo sanday AJ Edu, Dwight Ramos, kag Quentin Millora-Brown, samtang ang mga manughampang nga magahalin sa Korea amo sanday Kevin Quiambao kag Carl Tamayo.
Pagahiwaton sang Gilas sa Pilipinas ang duha ka hampang sa Pebrero 26 batok sa New Zealand, kag ang ikaduha sa Marso 1 batok sa Australia, nga kasubong nga pagahiwaton sa Mall of Asia Arena.
