Kinahanglan magsunod sa layi apang gahingyo man sang human consideration.
Ini ang nangin pahayag ni Juanito Braga, Brgy.Kagawad sang Bo. 4 syudad sang Koronadal, sa interview sang Bombo Radyo Koronadal.
Suno kay Braga, nagahingyo sila sang human consideration sa mga otoridad nga kun mahimo mag-atras lang sila sang pwesto agud mahatagan sang dalan ang mga proyekto nga pagahimuon sang barangay.
Ginpahayag man ni Braga nga 17 na katuig sila nga nagapwesto sa nasambit nga area sang barangay apang kinahanglan nila magtuman sa layi.
Dugang pa niya, kuntani hatagan gihapon sila sang barangay sang lugar agud makapadayon sa pagbaligya bilang ila pagpangalabuhian.
Samtang, nagpanawagan si kagawad sa kasubong niya nga mga stall owners nga apisar nagahingyo sang human consideration agud makapadayon sa pagbaligya, kinahanglan sa gihapon nila mag sunod sa layi nga gin-implementar sang barangay Topland.
