Dismayado si President Ferdinand R. Marcos Jr. sa reklamo nga ginpalab-ot sa iya nanday Ombudsman Boying Remulla kag Interior Secretary Jonvic Remulla angut sa attempted bribery batok sa ila.
Suno sa report, may nagplano nga suholan ang mag-utod sang tig-isa ka bilyon ka pesos samtang nagapadayon ang imbestigasyon sa gina-alegar korapsyon sa flood control projects.
Pahayag ni Palace Press Officer Undersecretary Claire Castro, indi mabaton sang Presidente nga gintuyo nga suholan ang mga opisyal nga sila mismo ang nagaduso sang imbestigasyon batok sa korapsyon.
Gin-athag ni Castro nga wala sang ginhatag nga mandu ang Presidente kay Remulla angot sa masunod nga tikang batok sa mga imbolbado sa bribery attempt.
Gindugang sini nga nagasalig ang Presidente sa integridad sang mag-ulutod kag nagapati nga indi mag-untat ang ila dedikasyon sa pagserbisyo kag pagpakigbato sa korapsyon.
