Nag-abot na sa Middle East ang USS Roosevelt bilang kabahin sang regular rotation sang pwersa militar sang Estados Unidos sa rehiyon.
Ginalauman man nga mag-abot sa masunod nga mga adlaw ang duha pa ka aircraft carrier strike groups, nga magadugang sa presensya sang puwersa naval sang US sa amo nga lugar.
Ginpahayag sang White House nga kinahanglan sang Estados Unidos ang tatlo ka aircraft carrier sa Middle East agud masiguro ang preparasyon kag kapasidad sini kun magdesisyon nga magpatuman sang operasyon nga militar.
Nagaabot man sa Estados Unidos ang panawagan sang Israel nga maglunsyar liwat sang pag-atake batok sa Iran, bangud sa padayon nga pag-uswag sang nuclear program sang amo nga pungsod.
Sa pihak sini, ginpahayag sang Iran nga nagahimo na sang tikang ang mga mediator agud mapadayon ang pag-istoryahanay upod sa US, sa paglaum nga matapos na ang nagapadayon nga tensyon kag kagamo sa rehiyon.







