-- ADVERTISEMENT --

Ginpahibalo ni Ombudsman Jesus Crispin Remulla ang mas estrikto nga pagpatuman sang lifestyle check sa mga opisyal kag empleyado sang Bureau of Internal Revenue (BIR) kag Bureau of Customs (BOC) agud mapunggan ang korapsyon.

Ginpahayag ini ni Remulla sa Town Hall Meeting sang Philippine Chamber of Commerce and Industry (PCCI) sa Taguig sang Nobyembre 14, kadungan sang panumpa sang bag-o nga mga commissioner sang duha ka ahensya.

Suno sa iya, katuyuan sini nga maproteheran ang buhis sang publiko kag ang mga negosyante batok sa ilegal nga mga transaksyon.

Paagi sa mas hugot nga lifestyle check, ginatuyo nga mapalig-on ang integridad kag responsibilidad sang mga opisyal kag empleyado sang gobyerno.

Ang tikang magaserbi man nga paandam batok sa pag-abuso sa gahum kag ilegal nga pagpangayo sang kwarta sa mga negosyante.