Gintawag lamang sang Malacañang bilang isa ka “political maneuvering” ang isyu parte sa pagsaka sang impeachment batok kay Pangulong Ferdinand Marcos Jr.
Suno kay Palace Press Officer Claire Castro, wala sang unod ukon basehan ang mga pahayag halin sa pila ka mga mamalidha nga naga base lamang kuno sa mga supporters sang wala na gintawag nga politiko.
Sa subong, nakapokus ang pangulo sa pagpanguna kag sa paghatag sang mga resulta para sa mga pumuluyo nga Pilipino.
Ini nga reaksyon sang Palasyo ang ginhalinan sang nangin sabat ni House Senior Deputy Minority Leader kag Caloocan 2nd District Representative Edgar Erice nga may pila ka mga indibidwal nga nagpalapit sa iya agud mag-endorso sang impeachment complaints batok kay Marcos bangod sang betrayal of public trust nga ginhalinan sang mga ginpasulod nga insertions sa budget.
